《 智利 阿蘭德 皮諾切特 簡略經濟史 》
智利可說行咗好大的彎路。
多謝條茂利，我之前冇睇過智利歷史，因為佢講到阿蘭德點大仁大義，點點點被冷血推翻，咪去睇下智利歷史囉。

阿蘭德基本上就係兩招：
①狂加人工
②嚴禁加價

簡單講就係價格管制，結果咪就是係供應不足，物價飛漲。
我諗有少少社會經驗的人都知道 價格管制 有幾撚大鑊。

條茂利話美國人策劃政變，事實就係社會主義者所講的小資產階級對阿蘭德恨之入骨。

乜嘢叫做小資產階級，即係租間房畀人住的小業主，小販，自僱人士，etc.
成本加又唔準加價，政府的錢出咗糧冇錢畀貨款之類的事層出不窮。係咁嘅社會環境下軍事政變咪得到民心支持囉。

軍事政變的主角叫皮諾切特，佢上台後的做法就極殘酷簡單：乜都 cut 晒！

即係阿蘭德政府將智利搞到冇嘢食又流血不止，就快死亡﹙經濟崩潰﹚。

皮諾切特上台就將全身止血﹙cut 開支﹚，但同時間搞到血液循環幾乎停頓﹙冇咗cash flow﹚，智利呢個病人就癱咗係張床休息咗十幾年先至慢慢恢復。

理論上皮諾切特應該借錢返來救經濟，但阿蘭德同乜嘢人 friend? 蘇聯，中共，古巴，阿爾巴尼亞呢啲窮到見鬼的國家，莫講話冇錢，有錢都唔借畀推翻阿蘭德的皮諾切特啦。

資本主義陣營又唔多信佢，加上佢真係用恐怖主義治國，即係將異見者用軍機載到大西洋上空丟下去，民主國家都好難同佢 friend. ﹙註：英美態度較好，但我查唔到借錢給智利﹚

最後智利人用大規模公民不合作運動逼使皮諾切特舉行選舉，反復多次後皮諾切特下台，但從此智利亦冇回復阿蘭德的經濟模式，行市場經濟至今。